حكاية جدي
من صوت بقلبي اندفن
من ملايين السنين...
صرخت على تراب الوطن
بلهفة وحنين....
ناديت بعالي الصوت
إنتي بلادي يا فلسطين
ما نغشى فيكي الموت
القلب وفي وحزين
على كتافي دوم الكفن
والعصبة عالجبين
يا عالم ان كان جهادي إرهاب
والعالم فيه سرح وصفن
عدوني أكبر الارهابيين
بيوم كنت حيران بأراضي الوطن
سرحان ببلادي.......
برغم المحن
سألت جدي وحكيت
خبرني عن ماضيك والأراضي
صرت أنا بوادي
وجدي صار بوادي
بكلامي بكى وصفن
وحكى آه آه الوطن!
حكيت خبرني عن بير السبع
حكالي:بير السبع فيها شجر
بايدي انزرع
فيها بيوت الي واراضي كتيـــر
وقمح وزيتون !!
بس انخلع
وضايل يمكن لليوم
بدم اولادي ارتقع
آآآه آآآآه لو ارجع يوم واموت هناك
ولا من شاف ولا من سمع
كنت ارعى الغنم دوم بالوادي
كنت آخد معي كل يوم اولادي
نفسي ارجع وما يوكل الديب بس الغنم؟
يوكل لحمي لأني اشتقت لديب بلادي
قلت يا جدي كل هاد لهفة وحنين
حكى:لو عشت معااي هديك السنين
اعطاني جدي كيس وحكي
نفسك تعرف شو الي فيه
؟؟؟؟؟
حكيت يا ريت
:هاد فيه مفتاح البيت
وحكي مصيركم تعودوا للبلاد
وان ما كتب الك ربي انت
بتورثه للولاد
موضوع: قصيدة حكاية جدي 
الأحد ديسمبر 12, 2010 12:38 pm
